ಮಂಗಳೂರು: ಸೆಪ್ಟೆಂಬರ್‌ 18 ರಂದು ನಡೆದ ಐತಿಹಾಸಿಕ ಕರಾವಳಿ ಕ್ಯಾಬಿನೆಟ್‌ನಲ್ಲಿ ಜಿಲ್ಲೆಗೆ ಬಂಪರ್‌ ಕೊಡುಗೆಗಳು ಸಿಕ್ಕಿದೆ. ತುಳು ಭಾಷೆಗೆ ಮಾನ್ಯತೆ ಸಹಿತ ಜಿಲ್ಲೆಯಾದ್ಯಂತ ಅಭಿವದ್ಧಿಗೆ 32 ಸಾವಿರದ 611 ಕೋಟಿ ರುಪಾಯಿಗಳ ಯೋಜನೆಯನ್ನು ಸರ್ಕಾರ ನೀಡಿದೆ. ಈ ಕುರಿತು ಡಿ.ಕೆ. ಶಿವಕುಮಾರ್‌ ಸುದ್ದಿಗೋಷ್ಠಿ ನಡೆಸಿ ಮಾಹಿತಿ ನೀಡಿದ್ದರು. ಈ ಸಂದರ್ಭದಲ್ಲಿ ಯಾವೆಲ್ಲಾ ಯೋಜನೆಗಳು ಸರಕಾರದಿಂದ ಅನುಮೋದನೆಗೊಂಡಿದೆ ಎಂಬುದರ ಕುರಿತ ಮಾಹಿತಿ ಇಲ್ಲಿದೆ.
Advertisement
- ತುಳುವಿಗೆ ರಾಜ್ಯದ ಎರಡನೇ ಅಧಿಕೃತ ಭಾಷೆ ಎಂದು ನಿರ್ಧಾರ.
- ದಕ್ಷಿಣ ಕನ್ನಡ ಜಿಲ್ಲೆಯನ್ನು ಮಂಗಳೂರು ಮಾಡಲು ಪ್ರಸ್ತಾಪ; ಒಂದು ತಿಂಗಳು ಪಬ್ಲಿಕ್‌ ಚರ್ಚೆಗೆ ಅವಕಾಶ.
- ಕರಾವಳಿ ಪ್ರವಾಸೋದ್ಯಮಕ್ಕೆ ಬಿಗ್‌ ಬೂಸ್ಟ್, ಶಿಕ್ಷಣ, ಆರೋಗ್ಯ, ಮೀನುಗಾರಿಕೆ, ಬಂದರು ಪ್ರಗತಿಗೆ ಒಪ್ಪಿಗೆ ಮುದ್ರೆ.
- ಕರಾವಳಿ- ಮಲೆನಾಡು ಭಾಗಕ್ಕೆ ಒಟ್ಟು 32,611 ಕೋಟಿ ರೂ. ಗೆ ಅನುಮೋದನೆ.
- ಪುತ್ತೂರಿನ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನಕ್ಕೆ ವಿಶೇಷವಾಗಿ 5 ಕೋಟಿ ಅನುದಾನ ಘೋಷಣೆ.
- ಪುತ್ತೂರು ಸರ್ಕಾರಿ ವೈದ್ಯಕೀಯ ಕಾಲೇಜಿಗೆ 550 ಕೋಟಿ ರೂ. ಅನುದಾನಕ್ಕೆ ಅನುಮೋದನೆ.
- ಕರಾವಳಿ- ಮಲೆನಾಡು ಭಾಗಕ್ಕೆ ಹೊಸ ಪ್ರವಾಸೋದ್ಯಮ ನೀತಿ.
- ಕರಾವಳಿ ಜಿಲ್ಲೆಗಳ ದ್ವೀಪಗಳ ಅಭಿವೃದ್ಧಿಗೆ ಗ್ರೀನ್‌ ಸಿಗ್ನಲ್.
- ಲೈಟ್‌ ಹೌಸ್‌ ಪ್ರದೇಶಗಳಲ್ಲಿ ತ್ರೀಸ್ಟಾರ್‌ ಆತಿಥ್ಯ.
- ಬಡಗ ಎಕ್ಕಾರಿನಲ್ಲಿ ಶ್ರೀ ವೆಂಕಟೇಶ್ವರಸ್ವಾಮಿ ದೇವಸ್ಥಾನ ನಿರ್ಮಾಣ.
- ಮಾಣಿಲ ಸಹಿತ 6 ಪ್ರಮುಖ ಸೇತುವೆಗಳ ನಿರ್ಮಾಣ.
- ಮೀನುಗಾರಿಕೆಗೆ ಕೊಂಡಿ ರಸ್ತೆಗಳ ನಿರ್ವಹಣೆ.
- ಮೀನುಗಾರಿಕೆಯ ವಿವಿಧ ಕಾಮಗಾರಿಗಳಿಗೆ ಬೂಸ್ಟ್.
- ಎಕ್ಕೂರಿನಲ್ಲಿ ಅತ್ಯಾಧುನಿಕ ಸಗಟು ಮೀನು ಮಾರುಕಟ್ಟೆ.
- ಬಹುಗ್ರಾಮ ಕುಡಿಯುವ ನೀರಿನ ಯೋಜನೆಗಳು,
- ಪುತ್ತೂರಿನ ವಿಟ್ಲ ನೀರಾವರಿ ಯೋಜನೆಗೆ 1೦೦ ಕೋಟಿ ಅನುದಾನ.
- ಅರಣ್ಯ ಇಲಾಖೆ ನೇಮಕಾತಿಯಲ್ಲಿ ಬುಡಕಟ್ಟು ಜನಾಂಗಗಳಿಗೆ ಶೇ. 30 ಪ್ರಾತಿನಿಧ್ಯ.
- ಮಂಗಳೂರಿನ ವೆನ್‌ ಲಾಕ್‌ ಜಿಲ್ಲಾಸ್ಪತ್ರೆ ಉನ್ನತೀಕರಣ.
- ಮಂಗಳಾ ಕ್ರೀಡಾಂಗಣ ಅಭಿವೃದ್ಧಿ.
- ಕೇಂದ್ರ ಕಾರಾಗೃಹ ಮುಖ್ಯ ಗೋಡೆಗೆ 10 ಕೋಟಿ.
- ಮಂಗಳೂರು ಜಲ ಮೆಟ್ರೋಗೆ ಅನುಮೋದನೆ.
- ಪಿಲಿಕುಳ ನಿಸರ್ಗಧಾಮ ಭೂಮಿಯ ಗುತ್ತಿಗೆ ಅವಧಿ ರದ್ದು.
- ಒಳಚರಂಡಿ ಕಾಮಗಾರಿಗೆ ಬೂಸ್ಟ್.
- ಮಂಗಳೂರು ರಸ್ತೆ ಅಭಿವೃದ್ಧಿಗೆ 400 ಕೋಟಿ ರೂ ಮೀಸಲು.
- ಮಠ, ಚರ್ಚ್‌ ಸೇರಿ ವಿವಿಧ ಸಂಸ್ಥೆಗಳಿಗೆ ಭೂ ಮಂಜೂರಾತಿ.
- ಕರಾವಳಿ ಲೇಖಕಿಯರ ವಾಚಕಿಯರ ಸಂಘಕ್ಕೆ 0.05 ಎಕರೆ ಭೂ ಮಂಜೂರಾತಿ.
- ಕರ್ನಾಟಕ ಕಡಲ ಜೈವಿಕ ತಂತ್ರಜ್ಞಾಣ ನೀತಿ 2026-31.
- ಕರ್ನಾಟಕ ಒಳನಾಡು ಹಡಗುಗಳು ನಿಯಮಗಳು 2026 ಅಧಿಸೂಚಿಸಲು ಅನುಮೋದನೆ.
- ಸಿಝಡ್‌ ಎಂಪಿ-2019 ಪರಿಷ್ಕರಣೆ.
- ಕಾರವಾರ ವಿಮಾನ ನಿಲ್ದಾಣ ಅಭಿವೃದ್ಧಿಗೆ ಆಡಳಿತಾತ್ಮಕ ಅನುಮೋದನೆ.
- ದ.ಕ, ಉಡುಪಿ ಮತ್ತು ಉತ್ತರಕನ್ನಡ ಜಿಲ್ಲೆಗಳ ಕರಾವಳಿಯನ್ನು ವಿಶೇಷ ಸಮುದ್ರ ವಲಯ ಎಂದು ಅಧಿಸೂಚನೆ.
- ರಾಜ್ಯದ 15 ಸಾವಿರ ಕಿ.ಮೀ. ರಸ್ತೆ ಅಭಿವೃದ್ಧಿ.
- ಮತಪೆಟ್ಟಿಗೆ ಖರೀದಿಗೆ 151.31 ಕೋಟಿ ಮೀಸಲು.
- ಗ್ರಾಮ ಗ್ರಂಥಾಲಯಗಳಿಗೆ ಕಂಪ್ಯೂಟರ್‌ ಖರೀದಿ.
- ಮಂಕಿ ಬಹು ಉಪಯೋಗಿ ಬಂದರು, ಹಡಗು ನಿರ್ಮಾಣ ಕೇಂದ್ರ.
- ಗಂಗೊಳ್ಳಿಯಲ್ಲಿ ಹಡಗು ನಿರ್ಮಾಣ ಅಂಗಳಕ್ಕೆ ಅನುಮೋದನೆ.
- ಪಿಪಿಪಿ ಮಾದರಿಯಲ್ಲಿ ಕರಾವಳಿ ಪ್ರಯಾಣಿಕರ ದೋಣಿ ಸೇವೆ ಕಾರ್ಯಾಚರಣೆ.
- ಕೆಪಿಎಸ್‌ ಶಾಲೆಗಳ ಅಭಿವೃದ್ಧಿ.
- ಕಾಪು ಪಟ್ಟಣಕ್ಕೆ ನೀರು ಸರಬರಾಜು ಯೋಜನೆ.
- ಕರ್ನಾಟಕ ಸುಸ್ಥಿರ ದತ್ತಾಂಶ ಕೇಂದ್ರ ನೀತಿ 2026-31ಕ್ಕೆ ಅನುಮೋದನೆ.
- ಶಿಲ್ಪಾಕಲಾ ಕ್ಲಸ್ಟರ್‌ನ್ನು 20 ಕೋಟಿ ವೆಚ್ಛದಲ್ಲಿ ಸ್ಥಾಪಿಸಲು ಅನುಮೋದನೆ.
- ಮೀನುಗಾರಿಕೆಗೆ ಪ್ರತ್ಯೇಕ ವಿಶ್ವವಿದ್ಯಾಲಯ ನಿರ್ಮಾಣ.
ಇದು ತುಳುನಾಡು ಸಹಿತ ವಿವಿಧ ಜಿಲ್ಲೆಗಳಿಗೆ ದೊಡ್ಡ ವರವಾಗಿ ಪರಿಣಮಿಸಲಿದೆ. ಇನ್ನು ದಕ್ಷಿಣ ಕನ್ನಡ ಜಿಲ್ಲೆಯನ್ನು ಮಂಗಳೂರು ಜಿಲ್ಲೆಯಾಗಿ ಪರಿವರ್ತಿಸಲು ಜನಾಭಿಪ್ರಾಯ ಸಂಗ್ರಹ ಮಾಡಲಾಗುತ್ತದೆ. ಈ ಯೋಜನೆಗಳು ಶೀಘ್ರದಲ್ಲೇ ಜಾರಿಗೆ ಬರಲಿ ಎಂಬುದೇ ಎಲ್ಲಾ ತುಳುವರ ಅಭಿಪ್ರಾಯ.
Advertisement
Advertisement
